Digicast Negros

Gov Lacson balik Kapitolyo na matapos mag negatibo sa COVID-19

Balik sa Kapitolyo na si Governor Eugenio Jose Lacson matapos mag negatibo sa COVID-19.

Isa si Lacson kaupod si Provincial Administrator Rayfrando Diaz sa mga nagtambong kaina sang aga sa Prayer for Peace. Balik sa trabaho na sila kag liwat naman nga bukas sang ila nga mga opisina.

Nag negatibo man sa virus si Provincial Health Officer, Dr Ernell Tumimbang kag katorse ka iban pa nga gin swab sang mag positibo sa virus ang pamuno sang Provincial Incident Management Team nga si Zeaphard Caelian kag tatlo ka iban pa nga mga kaupod sini.

Gin lockdown sang Biernes ang talatapan sang Governor´s Office, Provincial Administrator´s Office kag Disaster Risk Reduction Management Office para sa disinfection.

Ginpatuman man sang Biernes ang skeletal force sa Provincial Health Office.

Exit mobile version
Skip to toolbar