Banwa sang Toboso nagpatukod sang kaugalingon nga ferris wheel para sa kalingawan sang pumuluyo.
Himuon ini nga solar-powered kag libre lang para sa ila pumuluyo.
Ini ang kaugalingon nga ferris wheel nga ginpatukod sang lokal nga panguluhan sang Toboso sa ila playground.
Suno sa kay Toboso Mayor Richard Jaojoco naguba na ang gina hampangan sang kabataan sa ila daan nga playground kag ini ang ginbulos nila.
Mga duha na ini ka semana nga gina kaayo kag gina paabot nga sini nga bulan sang Mayo mahuman na, antes pa man sang kapistahan sang banwa sa bulan sang Hunyo.
Dugang pa sang alkalde, mangin solar-powered man ini bangud ang banwa ang amat-amat na karon nga naga transition sa renewable energy.
Gani indi magahod ang pagpadalagan sini kun ikumpara sa diesel powered nga ferris wheel.
Libre lang ang pagsakay diri para tanan nila nga mga pumuluyo sa bilog nga tuig basta updan lang sang ginikanan ang magagmay nga mga kabataan.
“So it’s whole year round, okay ang nanay, okay ang tatay, ang bata nga gamay updan sang nanay kag tatay and it’s for free. Libre para sa mga batang Toboseno”, suno kay Jaojoco.
[sibwp_form id=1]