Sang Lunes, ginkilala sang Department of Environment and Natural Resources ang siudad sang San Carlos para sa Best Practices on Ecological Solid Waste Management sa ila nga 25th anniversary celebration sang Republic Act 9003 ukon ang Ecological Solid Waste Management Act of 2000 kahapon sa Quezon City.
Ang award ang ginhatag sang DENR-Environmental Management Bureau Concurrent Director kag Asst. Sec. for Environment nga si Jacqueline Caancan kag ang award ang ginbaton ni San Carlos City Sangguniang Panlungsod Committee Chair on Environmental Protection & Natural Resources Engr. Arthur A. Batomalaque, kaupod si EMB-Negros Island Region OIC Vicente Losbañes.
Ang pasidungog ang ginhatag bangud sang panibag-o nga sistema kag community driven nga pag hakot kag pagpilak sang basura nga sarang masunod sang iban nga mga LGU sa Pilipinas.
Ang San Carlos ang naga practice sang segregation sang basura sa landfill area kun sa diin gina separar ang mga plastic kag ang mga nagakadunot nga mga basura.
Ang San Carlos City man ang pinaka una nga LGU sa Negros Occidental nga wala na naga gamit sang pastic sa mga merkado nila.
Masobra na sa isa ka dekada sang ginsuguran ini sang LGU.
Ang siudad ang nagtiglawas sa Negros Island Region sa ceremony.