Popular nga “Bantay Dagat” nga tambayan sa Hinoba-an gina plano nga paayuhon pa gid.
Ini ang ginatawag nga bantay dagat sa Hinoba-an. Sa higad lang ini sang baybay kag may watch tower sang bantay dagat gani ini man ang tawag sang kadam-an sa lugar. Subong may mga kalan-an, kapehan kag tambayan na sa area.
Malapit lang ini sa town proper gani basta mag hapon hapon na, gina dagsa ini sang tawo ilabi subong nga summer.
Indi lang taga Hinoba-an ang naga tambay diri kundi ang mga bisita halin sa iban nga mga lugar nalingaw man sa pag pangayaw diri.
Wala labot nga ara ini sa higad sang baybay, kadamo sang pili-an nga kalan-an kag kapehan samtang gina enjoy ang matahum nga sunset.
Sa post ni Mayor Daph Reliquias subong nga adlaw iya gin pahibalo ang mga taga Hinobaan sang iya plano nga pagpaayo pa gid sang lugar.
Kun Biyernes kag Sabado magabutang ang LGU sang LED wall diri.
Mag las kwatro sang hapon may pa zumba kag las sais tubtob las otso may film showing kag pa live concert.
Bagay nga gina abi-abi sang pumuluyo para sa dugang nga kalingawan nga sarang pa gid makadala sang dugang nga turista.
[sibwp_form id=1]