Preparasyon para sa MassKara Festival 2026 ang masako na. Paglaum Sports Complex kag plaza indi na mangin venue sang peformances sini nga tuig.
Ihanda na ang mga MassKara, ang mga dapa-dapa pati na ang bulsa kay lapit na ang ang sinadya.
“Share the Smile, Celebrate Gugma”.
Ini ang tema sang ika 47 nga Masakara Festival sa Bacolod City.
Napirmahan na ang Memorandum of Agreement ukon MOA sa tunga sang Bacolod Gugma Foundation Inc nga amo ang maga organize sang festival kag sang Bacolod LGU para sa MassKara Festival 2026.
Ginsiling ni MassKara Festival Director Rodney Mitz Ascalon, nga isa sa mga ginbag-o nila sa sini nga tuig amo ang pagsaylo sang Arena Dance Competition sa lain nga venue.
Indi na paghiwaton sa Paglaum Sports Complex ang arena dance bangud indi nga indi na safe kun magdamo ang tawo.
Dugang niya, indi man masarangan nga sa Bacolod City Public Plaza ini hiwaton bangud indi ini makasarang nga mag-accommodate sang madamo nga mga tumalan-aw.
Natalana nga i-announce sang foundation ang venue sang peformance sa una nga semana sang Setyembre kadungan sang ila nga launching.
Suno kay Ascalon, pito ka elementary schools lamang ang tugutan nga mag-intra sa schools category samtang walo naman ka Barangay para sa Barangay Category.
Napulo naman ka Barangay ang sarang nga magpakigbahin sa tuigan nga Electric MassKara samtang 15 ka kandidata ang makasulod para sa Miss Bacolod MassKara 2026.
Ginpakigbahin man sang direktor nga 80 porsyento sang mga kiosk ang nakuha na sang mga vendors nga luyag magbaligya sa MassKara.
Oktubre 1 tubtob 8, pagahiwaton ang mga pre-MassKara events kaangay sang sports, arts, kag pre pageants samtang sa Oktubre 9 tubtob 18 naman ang peak highlights kun sa diin magabukas na ang mga mayor nga festival sites.
[sibwp_form id=1]