Sa Good Vibes mga juvenile ukon mga baby pa nga blacktip sharks spotted sa Carbin Reef
Nakuhaan sang video sang mga turista nga sanday Tope Peñafiel kag Janno Castillo ang pagtipon sang mga juvenile ukon mga baby pa lang nga mga blacktip sharks sa Carbin Reef sa Sagay City.
Ang carbin reef ang kabahin pa sang 32,000 hectares nga Sagay Marine Reserve.
Domingo nga adlaw sang nakuhaan sang video ining grupo sang mga blacktip sharks.
Harmless ukon indi agresibo sa tawo ining mga juvenile blacktip sharks kag naga palayo gani sa tawo.
Suno sa mga marine life experts, ang pagtuhaw sang sining mga baby pa nga mga sharks sa baybayon ang naga pakita nga healthy ang body of water kag sarang mangin nursery ground kay may nagakaigo nga food supply parehos sang magagmay nga mga isda kag matinlo ang tubig.
Panawagan sang Supervising Tourism Operations Officer sang Sagay nga si Helen Javier Arguelles Cutillar sa mga turista nga indi pagtandugon kag indi pag pakan-on ining juvenile blacktips kag pabay-an lang kay makasarang ini sila nga mangita sang ila kaugalingon nga pagkaon.
Ang Carbin Reef ang isa sa mga popular nga tourist destinations sa Sagay City bangud sang powdery whitesand kag matin-aw nga tubig.
Ang Sagay Marine Reserve kun sa diin nahamtang na sang halos 60 na ka tuig nga gina proteksyonan sang lokal nga panguluhan nga gin suguran pa sadto sang ginakabig Father of Sagay Marine Reserve nga si anay Sagay City Mayor kag anay Negros Occidental Governor Alfredo Marañon, Jr.
[sibwp_form id=1]