Ang sadto anay madulom nga isla sang Matabas sang Barangay Molocaboc, Sagay City ang natagaan na sang kasanag.
Sa mismo nga adlaw sang pagsaulog sang World Ocean Day, isa ka 25-kilowatt solar power facility kag solar-powered water desalination system ang gin turn-over sang REPower Matabas Project sang Negrosanon Initiative for Climate and the Environment ukon NICE. Pinaagi sa grupo natagaan sang renewable energy kag matinlo nga ilimnon nga tubig ang isa sa mga isla sang Sagay.
Ginbutangan sila sang 12-kilowatt hybrid solar system nga amo ang nagapadalagan sa water desalination facility, ukon isa ka facility nga naga convert sa tubig data sa ilimnon nga tubig.
May 8-kilowatt hybrid solar rooftop system para sa eskwelahan, kag 5-kilowatt solar system para sa simbahan sa isla. May yara man ini snag battery energy storage, may 70 ka solar-powered streetlights kag community charging stations.
May masobra sa 150 tanan ka mga pamalay sa Matabas ang nag benepisyo diri kag ini ang ila na nga gina panag-iyahan.
[sibwp_form id=1]