Sa Good Vibes, nakalabay ka na sa gwa sang Sagay PNP? Himutari ang ila nga Christmas tree kay himo ini sa mga tambutso.
Sa gwa mismo sang Police station sang Sagay City agaw atensyon ang naga tindog nga Christmas tree.
Sa layo daw ordinaryo lang nga Christmas tree nga mas mataas pa sang sa ila nga atop pero kun himutaran mo na, himo ini gali sa mga ginpang tapik tapik nga mga tambutso sang motorsiklo para maporma ang Christmas tree.
Sa ibabaw sini, may star nga naporma man pinaagi sa tambutso.
Sa idalom may ara pa gid sang belen, kag pati ang belen naporma man pinaagi sa mga tambutso.
Sa madumduman masupog ang kampanya sang sagay PNP batuk sa mga naga gamit sang magahod nga mga tambutso.
Masako ang dakpanay nila sang mga naga motorsiklo nga gin modify ang mufflers para magkusog ang sound sini.
Ang mga na kolekta nga mga tambutso amo naman ang gingamit sang Sagay PNP para sa ila pinasahi nga Christmas tree.
Pero indi lang ini kutob diri, balantayan pa kay man butangan pa ini sang mga suga para mas mapatahum pa gid.
Sa November 28 ang lights on ceremony nila para diri.*