Gobernador Eugenio Jose Lacson ang nag panawagan sang paghugpong sa mga sugar stakeholders sa probinsya.
Suno kay Lacson indi na nagakabagay nga padayon pa nga istoryahan ang issue sa tunga nanday Vice Governor Jeffrey Ferrer kag bag-o gin appoint sa Sugar Board sang SRA nga si Aurelio Gerardo Valderrama, Jr.
Suno kay Lacson, naka pa gwa naman sang open letter si Valderrama nga naga kilala sang appointing authority ni Presidente Ferdinand Marcos Jr, sa iya gina uyatan nga position. Indi manami nga hambalon nga may yara sang gina lantaw indi pag hilisugot sa mga grupo suno kay Lacson, tigaylo dapat nga mag hugpong kag dapat nga mangin solid. Ini man mismo ang mensahe kag labing tinutuyo ni Presidente Marcos suno sa iya – ang mag-isa.
Gin panugyanan naman ni Bacolod Mayor Albee Benitez si Valderrama, nga husayon ang ano man nga isyu sa tunga nila ni Ferrer. Suno kay Benitez yara na sa presidente ang bahin sa ginaduso nga revocation sang appointment ni Valderrama.
Ginsiling damlag pa ni Ferrer nga siya ang na provoke ni Valderrama sa mga nag gwa nga messages sa group chat rason nga iya gin duso ang revocation sang iya sini nga appointment.
Samtang, nagapati man si Lacson nga may papel man ang bise gobernador sa nangin tikang sang presidente nga pag reject sang imporation sang dugang nga 300,00 metric tons sang kalamay sa pungsod bilang Personal Adviser sang presidente.
Isa ka pagpangusisa sa karon ang gina patuman angut sa resolution number 4 nga ginpagwa sang SRA nga naga tugot sang amo nga importation. sa press conference sa Malacanang ginsiling nga iligal ang amo nga resolution kag ang pag convene sang SRA board wala sang pahanugot sang presidente nga amo ang chairman.