Digicast Negros

Ginpasakaan na sa P500,000 ang reward money sa makatudlo sa kay Rogelio Fabiliar sang NPA

Gikan sa 300,000 pesos, subong nga adlaw naglab-ot na sa P500,000 ang reward money nga gina tanyag sang Philippine Army sa makatudlo sa kay Roger Fabillar alias Arnel Tapang nga wanted para sa tatlo ka mga kaso sang murder.

Ini ang ginkumpirma sang commanding officer sang 79th infantry battalion nga si Lt. Col. J-jay Javines.

Siya ang ginatudlo nga nagpanguna sa grupo sang mga rebelde nga nagpatay tatlo tanan ka mga sibiliyan sang bulan sang agusto nga naga lakip sa kay punong barangay Benjamin Javoc sang Barangay Lalong sa Calatrava.

Sang Sabado nag hulog sang mga wanted leaflets ang sa mga nabukid nga bahin sang Calatrava gamit ang Huey helicopter sang 205th tactical helicopter wing sang Philippine Air Force.

Ang mga leaflets ang naga lakip sang mga impormasyon angut sa kay Fabillar.

Exit mobile version
Skip to toolbar