Ginakabig sub-group leader sang Caunda Drug Group nadakpan sa buybust operation sang kapulisan sa Barangay Sum-ag sa Bacolod.
Kapin P4.5M nga balor sang ginasuspetsuhan shabu nakumpiskar.
Siyam ka dalagko nga plastic sachet sang ginapatihan shabu nga nagabug-at sa masobra tunga sa kilo ang nakumpiskar sa joint buy-bust operation sang Bacolod City Drug Enforcement Unit kag Philippine Drug Enforcement agency 6 sa Purok Nami-nami sa Barangay Sum-ag, kaina sang aga.
Nagabalor sa P4.5M ang iligal nga droga nga gin-alegar narecover sa gym instructor nga si Faisal Sacar, 24 anyos nga isa sa mga nalakip sa priority target list sang kapulisan kag PDEA.
Ginsiling ni BCPO Director Police Colonel Joeresty Coronica nga ang suspek ang ginakabig sub-group leader sang Caunda Drug Group nga naga-operate sa Bacolod kag Negros Occidental.
Gindugang ni CDEU Chief Police Lt. Col. Antonio Benitez Jr., si Sacar ang ginakabig distributor sang iligal nga droga sa probinsya.
Dungan sa ginpatuman nga joint buy-bust operation ang pagserbe sang separado nga warrant of arrest sa suspek.