Bacolod Councilor Archie Baribar ang bukas sa panugyan sang Task Force Disiplina nga multahan ang mga tag-iya sang establisimiento komersyal nga wala nagapatuman sang minimum health protocols sa ila mga customer.
Si Baribar ang proponent sang ordinansa nga nagapatuman sang pagsunod sang minimum health protocols sa mga pumuluyo nga yara sa pampubliko nga mga lugar.
Ini ang pagsuksuk sag face mask, face shield kag pagsunod sa physical distancing.
Damlag pa ginpanugyan sang pamuno sang Task Force Disiplina sa Sangguniang Panlungsod nga i-amend ang ordinansa para mamultahan ang mga tag-iya sang establisimiento.
Ini matapos makit-an sang task force nga madamo nga mga customer sa sulod sang mga baligyaan ang wala nagasuksuk sang face shield.
Nakabutang sa ordinansa nga ang mga wala lang gasunod sa minimum health protocol ang sarang mamultahan pero wala nalakip ang tag-iya sang mga establisimiento.
Bukas si Baribar sa panugyan sang task force kag magaduso sa konseho sang bag-o nga ordinansa para mamultahan ang mga tag-iya sang baligyaan.