Humalin sang nagligad nga semana wala na makabalik pa sa Barangay hall si suspended Punong Barangay Joseph De los Santos sang Barangay 16.
Ini matapos man gin serbe sa iya ang response letter gikan kay Mayor Albee Benitez angut man sa iya pag assume sa pwesto sang Agosto 8. Ini bisan pa naserbi na sa iya sang konseho sang siudad ang 6 months suspension sa ginpangatubang nga kaso administratibo.
Nakasaad sa sulat sang alkalde nga dapat mag comply si De los Santos sa mando nga nakasandig man sa pagsulundan sang Department of the Interior and Local Government.
Suno kay Secretary to the Mayor Atty. Karol Joseph Chiu, kun indi magsunod sa mando si De los Santos sarang siya nga pasakaan sang kaso angut sa usurpation of authority.
Wala nagasabat sa tawag sa cellphone si De los Santos. Pero damlag pa iya na ginsiling nga kun may mabaton siya nga sabat gikan sa alkadle, insigida nga manaug siya sa pwesto.
Si Kagawad Stella De la Peña amo ang ginakilala OIC Punong Barangay sang DILG para magtal-us sa ginsuspend nga punong barangay.