Chairperson sang Senate Committee on Education nga si Senador Sherwin Gatchalian nagaplano nga ire-align ang bahin sang pondo sang Confidential and Intelligence fund agud nga matatapan ang malapit P4.1B nga deficit sa pondo nga natalana sa free higher education sa mga State Universities and Colleges May Masobra sa P25B ang project fund nga para kuntani sa free higher education sa mga State Universities and Colleges ukon SUCs sa pungsod.
Ugaling nabuhinan ini sang kapin P4.1B matapos P21.6B lamang ang gin-allocate sang National Expenditure Program ukon NEP para diri.
Ginatan-aw ni Gatchalian nga kulangon ang pondo para sa mga ginakinahanglan nga pasilidad sa mga SUCs.
Gani ginaduso niya nga ma-realign ang napasakaan nga pondo para sa P9.2B confidential and intelligence fund nga gintalana sang national government para sa Office of the President, Office of the Vice President kag Department of National Defense.
Ginalauman sang senador nga pinaagi sa pagbuhin sang pondo sang CIF masabat ang libre nga pag-eskwela sang kapin 1.8 million nga student beneficiaries sa mga SUCs sa pungsod.