Fully vaccinated individuals yara na sa kapin 35 porsyiento,pero eoc magapabaskog pa sang vaccination program sa kabarangayan agud mapahagan hagan ang nagasaka nga Covid-19 related deaths.
Nagalab ot na sa masobra 113 mil ang fully vaccinated individuals ukon kapin sa 35 porsyiento sang 424 mil nga target nga mabakunahan sang city government sang Covid-19 vaccines.
Ginsiling ni Dr. Chris Sorongon,deputy for medical data and analysis sang Emergency Operation Center, mas pabaskugon pa nila ang ginahimu nga vaccination program,ilabi na sa mga kabarangayan nga may mataas nga covid 19 cases.
Ini bangud naglab ot na sa 47 ang Covid 19 related deaths sang siudad.
Ginakabalak-an sang EOC nga bangud sang alarming cases sang Covid-19 kag yara na sa kritikal ang sitwasyon sang mga ospital, posible malampuwasan ang kadamuon sang Covid deaths sang nagligad nga tuig nga naglab-ot sa 76.
Ang pagpasanyug sang vaccination program halin sa mga gintalana nga mega vaccination center sa mall kag mga kabarangayan pati na ang Vax-i mobile vaccination drive kag drive thru vaccination kabahin sang tikang sang EOC agud mapadasig pa ang pagpalab-ot sang bakuna.
Ini man ang sarang makahatag proteksyon sa pumuluyo, ilabi na sa mas makalalaton kag makamamatay nga Covid-19 Delta variant.