Isa ka full blown hearing ang patigayunon angut sa kaso nga ginpasaka batuk sa lima ka mga katapo sang Office of the Provincial Agriculturist nga naga lakip sang isa ka division head.
Suno kay Provincial Legal Officer Alberto Nellas, Jr., ang apat ka mga empleyado nga kanday Engineer III Ramelo Letran, German Abihay, Engineer I Resin Palacios kag Maria Luisa Abaño ang nag pakamaayo nga mag submit na lamang sang ila nga position paper angut sa grave misconduct nga kaso nga ginpasaka batuk sa ila.
Ang Division Head naman nga si Engineer IV Jimlo Garsula nga naga pangatubang sang 2 counts sang grave misconduct ang nagpakamaayo nga mag paidalom sa full blown hearing. Pero kay tungod nga pareho man lamang ang facts and circumstance sang kaso kag isa ka joint resolution ang ipa gwa, isa ka full blown hearing na lamang ang ipatuman.
“All five ma hearing. The four, they can choose to participate, or they can just wait for the resolution of the case considering only a few evidence have been submitted”, suno kay Nellas.
Ginreklamo ang lima matapos nga ginpahulat ang driver kag gin gamit ang salakyan sang Capitol Cab Service sa oras nga wala na masakop sa ila nga travel order kag gina alegar sila ang yara sa kalan-an kag naga inom-inom. Ginapaabot matapos ang hearing sa sulod sang 60 day preventive suspension sang lima.