May nag report sa grupo nga Community Animal Rescue Efforts ukon CARE nga may foreigner nga naga libot sa Goldenfields Commercial Complex kag naga pakaon sang hot dog sa mga layaw nga ido.
Ugaling ang hotdog ang may unod nga hilo.
May litrato sang aktwal nga mga hotdogs nga ginapakaon sang foreigner sa mga ido kag may unod nga hilo.
Sa pagkahibalo sang grupo naga tinir sa isa ka hotel sa amo nga area ang foreigner.
Suno sa CARE isa ka pagsupak sa Republic Act 8485 ukon ang Animal Welfare Act ang ginahimo sang foreigner.
Nagapanawagan man ang grupo sa mga commercial establishments sa area nga mahimo may CCTV video sa actual nga paghatag sang hilo sang foreigner sa mga ido nga mahimo makig angut sa ila.
Gin schedule na ang ila pag atubangay sang animal welfare group sa Biyernes sa Barangay Hall sang Singcang- Airport para sa hearing.
Dugang pa sang CARE nga kapon ang solusyon sa mga layaw nga ido kag indi lason.