Digicast Negros

First lady Liza Marcos magaabot sa Bacolod para sa mass wedding

Natalana nga magbisita sa Bacolod si First Lady Liza Marcos buas.

Siya ang mangin maninay sa record-breaking mass wedding nga natalana sa Sabado, kun diin ginapaabot ang pagpanagtag sang pangkabuhayan showcase sa mga ikasal.

Ginsiling ni Mayor Albee Benitez nga antes pa man sang ginapaabot nga record-breaking mass wedding sang siudad sa Sabado, magabisita buas si First Lady Liza Marcos sa Bacolod. Si Marcos ang mangin principal sponsor para sa mass wedding sang 2,023 ka mga magkahagugma nga pagahiwaton sa Bacolod City Government Center, las dos sang hapon.

Suno sa alkalde, nakahanda na ang tanan para sa okasyon halin sa seguridad kag iban pa. Kabahin sa mangin regalo sa mga kalaslon ang pangkabuhayan showcase.

Makapila man ka beses nga na-postpone ang kasal kag may 28 na ka mga naka-rehistro sa mass wedding ang gin-una nga nakasal sang nagligad nga Marso 3.

Exit mobile version
Skip to toolbar