Vice Governor Jeffery Ferrer ang maga duso sang pag revoke sang appointment ni Aurelio Gerardo Valderrama Jr sa Sugar Board kasubong man pagkakas kay SRA Administrator Heremenegildo Serafica.
Ginsiling ni Ferrer nga iya gina respeto ang desisyon ni Presidente Ferdinand Marcos, Jr. sa iya nga pag appoint kay Valderrama bilang acting board member sang SRA.
“Pasalamat ko nga ina nga position nagkadto sa taga Negros”, suno kay Ferrer.
Pero, kuntani bisan sa delicadeza naman lamang, wala na ginbaton ang amo nga appointment suno sa bise gobernador. Suno kay Ferrer sang tion sang kampanya may mga ginbuy-an nga indi maayo nga tinaga si Valderama batuk sa kay Marcos.
Apesar sina ginhatagan siya sang tyansa ni Presidente Marcos. Suno kay Ferrer, na provoke siya bangud may naga gwa nga sugilanon nga naga siling nga luyag niya ipa revoke ang appointment ni Valderama nga kuntani wala man siya sang amo nga tinutuyo.
“Kita mo may text ga lagaw nga ako pa gani ga lobby nga i-revoke ang iya (Valderrama) nga appointment. Iya na ya hambal. Gin mention mo na gid lang ngalan ko mangita na gid lang ko sang pwersa ko nga i-revoke ko gid. Aga pa gapangita ko way. Pero te gin-mention mo ngalan ko sa imo viber group. Nag padayaw ka pa. May nag forward sa akon”, suno kay Ferrer.
Suno naman kay Valderrama matuod nga nag kampanya siya kay Vice Presidente Leni Robredo sadto pero, wala siya sang may ginbuy-an nga malain nga tinaga batuk kay Marcos. Kun luyag man nila nga i-revoke ang iya nga appointment wala naman siya sang may mahimo pa diri.
“I was just reacting to what they were saying. (You were just reacting to what you were told?) Yes. (That they were already lobbying?) Yes. I received several phone calls telling me that before you celebrate anything, you have to remember that we’re working, we’re talking, we’re lobbying, that the president will revoke that appointment”, suno kay Valderrama.
Samtang, nag pa gwa naman sang pahayag ang Panay Federation of Sugarcane Farmers, Inc. nga naga abi-abi sang appointment ni Valderrama.
Suno kay Danilo Abelita, Chairman of the board kag Presidente sang Panayfed, ang iya nga grupo naga pati nga nagakaigo ang tion sa pag appoint kay Valderrama labi na nga madugay na nga industry leader ini kag nagserbisyo sa private kag public organizations sa sulod sang sugar industry.
Si Valderrama ang presidente sang Vicmico Planters Association, Inc. Katapo man siya sang board of trustees sang Confederation of Sugar Producers Association, Inc. humalin 2010 tubtob karon.
Damlag pa, si Ferrer nga personal adviser sang presidente, ang nag lobby kay David Alba kag anay Mayor Esteban Sonny Coscolluela, para sa ano man nga position sa SRA.
Dugang pa sang bise gobernador, iga duso niya man ang pagkakas kay Serafica bangud sang madamo nga reklamo batuk sa iya sa iya pag pungko bilang SRA administrator.