Site icon Digicast Negros

Fastfood chain intresado nga magbutang sang branch sa world class nga bus terminal sa Sagay

YouTube player

Ini ang world class nga bus terminal sang Sagay City.

Isa ini ka two storey glass building nga maka akumodar sang desi otso tanan ka mga buses. May seating capacity nga 220 ka mga pasahero kag may waiting area man para sa mga tricycle.

Naga gamit ini sang radio frequency identification ukon RFID kun sa diin kada mag sulod ang bus kag mag agi ini sa RFID reader mahibaluan sa data base ang mga impormasyon parte sa bus.

May nga metal detectors man sa terminal para sa seguridad sang mga pasahero.

May 28 ka mga CCTV cameras kag may mga stalls nga pwede ma rentahan.

Suno kay outgoing Mayor Alfredo Maranon III, nagpahibalo na ang Jollibee Foods Corporation sang interes sini nga magbutang sang ila sikat nga mga brands sang kalan-an.

Sang sabado kadugang sang Charter Day celebration sang siudad gin inagurahan ang terminal kadungan sang pagpanumpa sang mga opisyales sang siudad sa pagpamuno ni incoming Mayor Nerwin Javelosa Jr.

Dugang pa ni Maranon pinaagi sa bus terminal mapa lambo pa gid ang turismo sang siudad kag maga dala pa gid sang dugang nga development sa siudad.

Masobra sa 156 million ang budget sa construction sang terminal 131 milyones pesos ang gin loan sang siudad sa Landbank of the Philippines kag 25 milyones pesos naman ang gikan sa developmental fund sang siudad.

Exit mobile version
Skip to toolbar