Humalin las sais kaina sang aga, nagsugod na balik sa pagbyahe ang mga fastcraft halin Bacolod-Iloilo vice versa.
May tag duha lang anay ka round trip halin sa aga kag hapon ang duha ka shipping firm bangud madiutay pa ang mga pasahero.
Suno sa fastcraft operator nga Frank Carbon, ginalauman nila nga magdamo ang mga pasahero sa weekend kadungan man sang virtual celebration sang tuigan nga Dinagyang Festival sa Iloilo City.
May apat ka round trip ang duha ka mga shipping firm nga nagabyahe Bacolod-Iloilo sang nagligad nga binulan antes pa man sila temporaryo nga nag untat byahe tuga sang paghugot sang travel restrictions sa idalom sang alert level 3 sa Bacolod kag Iloilo City.