Gin-present kaina sa katapo sang media ang resulta sang fact finding and solidarity mission nga gin patigayon angut sa engkwentro sa Toboso kun sa diin, 19 ang napatay.
Masobra sa 100 ka mga human rights workers, Makabayan lawmakers, church workers kag activists suno sa grupo ang nag upod sa amo nga fact finding and solidarity mission sa Sitio Sinugmawan kag Sitio Plaringding sa Brgy Salamanca sa Toboso, sadtong Mayo 14.
Isa sa gin siling ni Atty Sol Taule sang Karapatan, amo nga may yara sang mataas nga probability nga na tamper ang crime scene kag may yara sang planting of evidence; gani may yara sang serious doubts sa pag patuman kag mismo sa integrity sang SOCO kag military investigation.
Ehemplo na diri suno sa iya ang mga litrato nga nag ginuwa nga ang mga nagkalamatay makita naga kaya pero ang mga gun shot wounds yara sa ila nga likod.
May mga residente nga nag testify suno sa ila nga kilala nila ang anum sa 19 nga napatay kag ini sila mga sibilyan nga naga lakip sanday Alyssa, Errol, RJ, Kai, Lyle kag Mau.
Suno kay Atty Kristina Conti sang NUPL, may mga pagsulundan sa idalom sang laye sa Pilipinas sa idalom sang International Humanitarian Law nga gin lapas kun basehan ang napatigayon nga fact finding mission. Isa diri ang pagkalakip sa pag kapatay sa mga sibiliyan.
Ang iban sa napatay, napatay indi bangud sang igo sang bala kundi nag bleed tubtob nga mapatay. May mga hangaway sang NPA nga bisan wala na sang armas, gin-alegar patay pa gid.
Suno kay ACT Teachers Partylist Antonio Tinio nga kabahin man sang team, ila nga ginapakamalaut ang natabo. Nagapanawagan sila sang hustisya kag imbestigasyon, pag balik liwat sang peace talks sa NPA kag pag tutok sa ugat sang konplikto.
Sa pihak nga bahin mga residente kag barangay officials sa Salamanca ang nagpatigayon sang peace rally kun sa diin ila gina pakamalaut ang kalakasan nga gina tuga sang CPP-NPA.*
[sibwp_form id=1]