Pilason ang isa ka estudyante, matapos mabungguan sang motorsiklo sa Sitio Minabuno, Barangay Cabahug sa Cadiz City, Miyerkules sang hapon.
Naabtan sang mga rescuers sang Cadiz City DRRMO nga nagahigda sa dalan ang estudyante nga naka-uniform pa kag may bitbit nga bag kag tumbler.
Nakaangkon sang mga pilas ang estudyante.
Base sa imbestigasyon sang PNP, nagatabok ang 12-anyos nga babaye nga estudyante sa dalan sang nabungguan sang motorsiklo.
Ang natabuan sang insidente ang sa unhan lang sang eskwelahan.
Suno sa Cadiz PNP, may settlement na sa pamilya sang estudyante kag sa rider nga nakabunggo sa iya.