Nagapahundom ang siudad sang Bacolod sa publiko, ilabi na sa mga estudyante nga likawan ang pag post sa social media sang mga fake news kag fake announcements.
Ini matapos nga nag viral ang isa ka post sang grade 7 student sa Bacolod City may angut sa suspension of class sa una nga adlaw sang klase.
Nanari-sari ang komento ang naangkon sang nasambit nga estudyante. Gilayon man nga ginpatawag sang school principal ang natungdan kaupod sang iya nga iloy.
Suno sa iloy, na hack ang account sang iya bata antes pa matabo ang insidente. Ginpaidalum na sang buluthuan sa disciplinary actions kag counselling ang estudyante.
Suno kay Atty. Marty Go, Secretary to the Mayor, ila pa gina-usisa kon matuod gid man nga na hack ang account sang estudyante.
Dugang sini, half-hazard ang kalabanan sang mga ginapost sang amo nga estudyante sa Facebook, bagay nga suno sa iya dapat likawan sang mga estudyante.
Sa karun, nagapangabay ang siudad nga i-fact check gid anay tanan nga mga announcements nga makita sa social media kag magsunod lamang sa mga lehitimo nga government pages kag media outlets.
"Now ang sa mga istudyante naman, if tripping lang gid or if it is done as a prank, or maybe the way to sabotage our city government, then, napamatud-an naman natun nga paglapta to kahapon sang fake news, ginpatrace gid dayun ni Mayor Greg kon sin-o responsible and nadakpan gid dayun”, suno kay Go.*
[sibwp_form id=1]