Indi pa mahingadlan ni Em Ang, executive director sang Emergency Operations Center ang mga persona nga imbolbado sa vaccination cards for sale samtang padayon pa nga gina-usisa sang Police Station 1 ang kaso.
Nagligad lang semana sang may duha pamilya, nalakip diri ang pamilya sang isa ka pastor, nga nadakpan sang EOC nga nag-gamit sang peke nga vaccination card sa tuyo nga makakuha sang certificate of vaccination.
Ginsiling ni Ang, nga isa ka nurse sa barangay ang ginatudlo nagtanyag sang peke nga vaccination card sa tag siyete siyentos pesos sa nadakpan nga pastor.
Nagapati naman si Dr. Edwin Miraflor, officer in charge sang City Health Office nga wala sang inside job sa nagaluntad nga modus angut sa peke nga vaccination cards.
Ginpat-ud man sang EOC nga ang nurse kag iban pa nga mga persona sa likod sang peke nga mga vax cards ang indi konektado sa tatlo ka mga persona nga nadakpan nagapang-himu sang peke nga vax cards paagi man sa entrapment operation sang katapo sang Police Station 1 sang nagligad nga Enero.
Sila ang napasakaan na sang kaso angut sa falsification of public documents kag angut sa pagsupak sang Rpublic Act 11332.