May 90 na sa karon ka mga emergency shelter tents ang ginpatukod sa duta sang La Castellana LGU sa Sitio Villacaña sa Barangay Robles para sa mga internally displaced persons ukon IDPs nga gikan sa Brgy Cabagnaan.
Paathag ni Remuel Lajo, ang Public Information Officer sang La Castellana, ang mga evacuees nga gikan sa Brgy Biak-na-Bato, Mansalanao, Masulog kag Sag-ang ang natigayon na saylo sa mga covered court sang tagsa ka mga barangay.
May mga nag pakamaayo naman nga mag upod tenir sa ila nga himata.
Ang mga evacuees naman nga gikan sa Cabagnaan sa karon ang ginsaylo gikan sa La Castellana Elementary School padulong sa La Castellana National High School – Senior High School.
Una na nga nasaylo ang mga Senior Citizen, mga Persons with Disability kag mga naga busong.
May mga evacuees man sa Cabagnaan nga naga pabilin sa La Castellana National High School – Junior High School.
Suno kay Lajo enkaso nga kulangon ang mga lugar sa eskwelahan nga teniran, sa emergency shelter tents na maga saylo ang evacuees.
Ang gikan lamang sa Cabagnaan, 681 ka pamilya ukon 1,962 ka indibidual. Suno kay Office of the Civil Defense Regional Director, Donato Sermeno, III isa man ka pag panghangkat nga atubangon ang pag tenir sa mga tents karon nga naga inulan.
Ang tent city sa Himamaylan ang gina tigana para sa Alert Level 4.
“Amo gid na ang gina foresee naton nga dapat ma protect sila sa tig-uluan. Pati mga drainage na guro amo na ang asikasuhon naton para ma improve”, suno kay Sermeno.