Naga pabilin sa 51 ang election watchlist areas sa Negros Occidental. Wala naman sang may gin-recommend nga idugang pa, pero may liwat nga assessment nga patigayunon.
Ginsakdag kaina ang ika duha nga Provincial Coordinating Conference.
Suno kay Provincial Elections Supervisor Ian Lee Ananoria, ang pag saka sang kadamuon sang show cause order nga ila na serbe may kaangtanan sa pre-mature campaigning ang naga pakita sang posibilidad sang pag init sang sitwasyon sa mga barangay bangud indi man madula nga mahimo magabalos man sa pag file sang complaint ang gin-reklamo nga kandidato. Ini ang balantayan pa suno kay Ananoria.
Sa karon may 47 na ka mga kandidato ang napapanaugan sang show cause order sa Bacolod kag Negros Occidental kag yara na sa mga kandidato ang direkta nga pagsabat sini sa Task Force.
Samtang, ang Tabugon sa Kabankalan city kun sa diin may anum nga napatay bangud sang encounter sini lamang ang naga pabilin man sa green category ukon no security concern.
Suno kay Col Leo Pamittan may iban pa nga mga parameters nga gina basehan sa pag categorize sang isa ka lugar nga election watchlist area.