Nadugangan naman ang active COVID-19 cases karon sang Bacolod City Police Office matapos mag positibo sa COVID-19 ang duha ka pulis nga katapo sang Bacolod City Mobile Force Battalion.
Suno kay BCPO public information officer, Lieutenant Liberty Indiape, wala pa mahibaluan kun sa diin nakuha sang mga pulis ang virus bangud sa sila ang yara man sa gwa naka assign kag masami sila nga yara sa dalan.
Gin contact trace naman ang ila mga close contact nga pulis.
18 na karon ang active COVID-19 cases sang BCPO.
Samtang, gikan sa 14 ka mga inmates sa Police Station 4 nga gin paidalom sa swab test, isa ang nag positibo suno kay Indiape.
Ang inmate ang gin isolate naman kag padayon nga naka lockdown ang police station matapos man mag positibo sa COVID-19 ang 14 ka mga personnel diri lakip na ang station commander.
Ang Negros Occidental Police Provincial Office naman ang may 77 na ka total COVID-19 cases kag 31 sa diri ang active cases.