Gin pahayag sang kahapon ni Negros Oriental IATF commander Doctor Liland Estacion nga yara na karon sa Negros Oriental ang duha ka variant sang Covid-19 nga mas infectious ukon mas madasig ang transmission.
Isa diri amo ang alpha variant gikan gikan United Kingdom nga ginasiling 40 to 80 more transmissible sang sa una nga variant sang Covid-19. Na trace ini sa Tanjay City suno kay Estacion kag posible amo man ini ang rason sa madasig nga pag saka sang kaso sa banwa.
Ang isa pa ka variant mas infectious nga variant nga amo ang P.3 nga common naman karon diri sa pilipinas suno kay Estacion ang trace naman sa Dumaguete City.
394 ka bag-o nga kaso sang Covid-19 ang nadugang kahapon sa Negros Oriental gani nag saka na sa 2,363 ang active cases sa probinsya.