Gin-release na sang United Negros Alliance ukon unega ang mga mayoral candidates sini para sa 2022 elections. Liwat naman nila nga ginpahayag ang ila nga suporta sa re-election nanday Governor Eugenio Jose Lacson kag Vice Governor Jeffrey Ferrer.
Ginsiling ni Mayor Salvador Escalante nga amo man ang secretary general sang UNEGA, nga may onse ka mga alkalde nga maga pa re-elect kag tatlo ang mga bag-o nga mayoral candidates.
Ang mga bag-uhan amo kanday Vice Mayor Narciso Javelosa para sa Sagay, Madonnah Jaojoco, asawa ni Mayor Richard Jaojoco para sa Toboso kag Vice Mayor Renato Malabor, Jr para sa Isabela.
Onse ka unega mayors ang maga pa re-elect.
Pila naman ka mga alkalde ang opisyal nga nagpabutyag sang ila nga suporta sa Lacson-Ferrer tandem sa 2022.
Ini ang nagalakip kanday Mayor Mark Golez, Gerardo Rojas, Renato Gustilo, Marvin Malacon, Raymund Tongson, Marxlen dela Cruz, Alejandro Mirasol kag Rhumyla Nicor-Mangilimutan.
Ginapasalamatan ini sang bise gobernador, kag suno sa iya may dugang pa nga mga alkalde nga gina paabot magpabutyag sang ila nga suporta.