Pila ka mga incumbent nga alkalde nag file sang ila nga certificate of candidacy subong nga adlaw.
Sa Talisay City, sini lamang nga hapon nag file sang ila nga COC si Mayor Neil Lizares para sa re-election kag anay konsehal nga si Nicolas Jalandoni para sa pag ka bise alkalde.
Sa Hinoba-an naman, kaina sang aga, nag file sang iya nga COC si councilor Daph Reliquias, kag si Mayor Ernesto Etrao naman para sa pagka bise alkalde.
Sa Toboso, nag file sang COC sa pagka alkalde si Madonnah Jaojoco, ang asawa ni Mayor Richard Jaojoco nga karon yara na sa third term. Nag file man sa pag ka bise alkalde si Maria Luisa Maling dela Cruz.
Sa banwa sang Isabela naman, nag file sang coc si Mayor Irene Montilla para sa iya nga re-election ka upod naman niya ang iya anak nga si Juan Miguel para sa pag ka bise alkalde.
Sa banwa sang Murcia, naka file na sang ila nga COC para sa re-election sanday Mayor Gerardo Rojas, kag Vice Mayor Johnny Reosura.
Sa Escalante City, naka file man sang COC for re-election si Mayor Melecio Yap, kag sa pagka bise alkalde si konsehal Rogelio Prietos.
Sa Don Salvador Benedicto naka file naman sang ila nga COC for re-election si Mayor Marxlen dela Cruz kag utod nga si Vice Mayor Nehemias dela Cruz, Jr.