Pila sa mga maga papili sa 2022 elections nagpakamaayo nga mismo sa last day sang filing sang COC sila maga file.
Sa banwa sang La Castellana mag-amay nga Nicor ang maga updanay sa 2022 elections. Nag file sini nga hapon sang iya nga COC para sa iya nga re-election si Mayor Rhumyla Nicor Mangilimutan. Upod niya sa pagka bise alkalde ang iya nga amay nga si anay Mayor Alberto Bordig Nicor.
Sa siudad naman sang Himamaylan, maga balik si Board Member Agustin Ernesto Tinto Bascon sa pag ka alkalde. Maga sumpunganay sila ni Mayor Raymund Tongson. Bise alkalde ni Bascon ang iya himata nga si Raymund Gatuslao nga maga sumpong naman kay Vice Mayor Justine Gatuslao.
Sa provincial level, nag file man sang COC si anay vice governor kag karon Sugar Regulatory Administration Dino Yulo para sa pag ka kongresista sa 5th district. Maga sumpunganay sila ni Rep Marilou Arroyo.
Sa fourth district nag file man sang COC ang negosyante nga si Bernard Ferraris sang Victorias City para sa pag ka kongresista.
Suno kay Comelec elections supervisor Atty Ian Lee Ananoria, iya nga iga submit ang kumpleto nga listahan sang mga nag file sang COC sa Comelec Manila law department para sa assessment.
Iga check ang validity sang COC kag certificate of nomination ang acceptance. Sa mga nuisance candidate naman depende kun may mag reklamo kasubong man sa mangin desisyon sang en banc.