Digicast Negros

Dugang nga mga incumbent mayors nag file sang COC

Contributed photo

Padayon ang pag file sang Certificate Of Candidacy sa mga kabanwahan kag siudad sang negros occidental isa ka adlaw antes magtakop ang COC filing.

Sa Silay City, gin pangunahan ni Mayor Mark Golez ang pag file sang coc sang iya nga partido. Upod ni Golez nga maga pa re elect si Vice Mayor Tom Ledesma.

Ang bilog nga partido ang gin bayaw ni Governor Eugenio Jose Lacson kag 3rd District Representative Franciso Benitez sa isa ka programa kaina sang aga.

Sa San Carlos City naka file naman sang COC si Mayor Renato Gustilo kag Vice Mayor Christopher Paul Carmona para sa ila nga re-election.

Sa Manapla naman naka file na sanday Mayor Manuel Escalante, Iii kag Edgar Pagayonan para sa ila nga re-election.

Sa Binalbagan nag file naman si Mayor Alejandro Mirasol para sa iya nga re-election. Vice mayor niya ang misis nga si Mary Ann.

Exit mobile version
Skip to toolbar