May isa pa gid sang kumbuyahan ang interesado sa bulk water project sang probinsya.
Ini suno kay Negros Occidental Governor Eugenio Jose Lacson, nga naga kasayuran nga may lima na sa karon ang nag pabutyag sang interes para sa amo nga proyekto.
Wala na hingadlan ni Governor Lacson ang ika lima nga kumpanya. Sila ang gin-agda na lamang nga mag tambong sa investor’s forum nga natalana sa bulan na sang Hulyo. Damlag pa ang Abotiz Group, Ang Suez, Manila Water kag San Miguel Corporation ang nag pabutyag sang interes.
Ang bulk water project ang nagabalor sang 1.2 billion pesos kag 100 million pesos naman ang proposed equity sang probinsya, lakip man diri ang water rights, sa gina paabot joint venture agreement. D
amlag pa ginsiling ni Provincial Administrator Rayfrando Diaz, nga santo sa timetable ang tanan.
Tuyo sang bulk water project nga mapun-an ang kakulang sang matinlo nga water supply sa probinsya.
Tubtob sa karon wala pa makapadala sang letter of intent ang Bacolod City Water District.
Gina paabot nga maga produce sang 31.5 million liters per day ang amo nga proyekto.