Limitado na ang patient admission sa apat ka mga department sang Corazon Locsin Montelibano Memorial Regional Hospital makaligad man nga may 50 sa ila mga healthcare personnel, nalakip na diri mga doctor kag nurses ang nalatnan sang Covid-19.
Sa ginpa gwa man nga advisory sang hospital nga halos malapit na sa full capacity ang mga dedicated Covid-19 beds.
Suno kay Dr. Chris Sorongon, deputy for medical data and anaylysis sang Emergency Operations Center yara sa masobra sa trenta porsyiento ang capacity utilization rate sang healthcare system sa Bacolod tungod sang nagasaka nga Covid-19 cases sa siudad.
Gani nakahanda naman ang natukod nga midway referral facility sang siudad sa barangay alijis nga gintalana para sa mga symptomatic Covid-19 patients.
May walo pa ka mga na-preparar na nga isolation facility sang siudad kun kinahanglan.
May pending naman nga request sa Department of Health regional office ang City Health Office para sa renewal sang kontrata sang 40 ka mga dugang nga mga healthcare personnel nga gintalana sa siudad.