Ginalauman nga magasaka ang kumpiyansa sang mga investors sa probinsya karon nga mas nagsanyog ang peace and order situation sa probinsya.
Sini lamang nag pa gwa sang joint recommendation ang pamuno sang militar, PNP kag Coast guard para sa declaration sang Stable Internal Peace and Security status sang probinsya paagi sa Joint Peace and Security Coordinating Committee.
Bagay nga gina abi-abi ni Governor Eugenio Jose Lacson nga nagsiling man nga ini ang nagakasayuran sang pag paabot sang pagsaka sang kumpiyansa sang mga investors sa probinsya.
Humalin pa man sadto ini ang ginalauman sang probinsya – ang estable nga peace and order situation.
Sa karon suno sa iya na dismantle na ang gintukod sadto sang mga rebelde. Samtang, pasalig naman sang gobernador sa bag-o nga pamuno sang PNP sa probinsya nga si Col Reinerio de Chavez ang suporta gikan sa probinsya para sa ila.
Abiso niya nga dapat iga familiarize sini ang iya kaugalingon sa probinsya.