Department of Trade and Industry sa karon ang naga patigayon sang profiling sa mga rice retailers sa probinsya.
Ini may angut sa gin mando nga pag patuman sang price ceiling sa bugas.Suno kay DTI Negros Occidental Provincial Director, Lynna Cardinal, ang DTI upod ang Department of Agriculture ang padayon nga naga coordinate.
Ang DTI ang maga monitor sa mga supermarket kag grocery stores ang DA naman sa mga merkado. Sa Executive Order sang presidente, ang DTI kag DA ang ginmanduan nga ipasiguro sang pag patuman sang mandated price ceiling – 41 pesos sa kada kilo sang regular milled rice kag 45 pesos naman sa well milled rice.
Ang profiling sang retailers sa kada banwa kag siudad suno kay Cardinal naga lakip sang pag pat-od sang presyo sang pagbakal nila sang ila nga supply sang bugas, ang presyo sang baligyaaanay, ang kadamuon sa karon sang supply kasubong man ang epekto sa sining mga retailers kun ipatuman nila ang gin mando nga price cap.
“Ang purchase price nila. Gakuha man kami sang selling price. Tapos ang ila nga inventory, days to last, kag ang expected amount of losses nila kun mag comply sila sa mandated price ceiling”, suno kay Cardinal.
Subong may naga kaigo nga supply sang bugas suno kay Cardinal. Padayon man ang ila nga pag monitor sa presyo sang bagligyaanay sang bugas.