DSSD nagklaro nga wala pa sang may nag-abot nga ayuda para sa drivers

Nag-sugod na subong nga adlaw ang tag-taganay sang 5,000 pesos nga fuel subsidy sa mga qualified nga driver sa National Capital Region sa idalom sang Assistance to Individuals in Crisis Situation bilang bulig sa kabudlayan sang mga transport workers sa pagtimbook sang presyo sang gatong.

Apang, ang Department of Social Services and Development sa siudad sang Bacolod ang wala pa sa gihapon sang may nabaton nga mando kag wala paman sang may ginhatag nga pondo ang gobyerno nasyonal.

Ginsiling ni Richelle Verdeprado-Mangga, pamuno sang DSSD nga nagahulat pa ang DSWD-Negros Island Region sang pondo kag nagapasalig naman ini nga kun may ara na sang pondo, gilayon nga maga-apply ang siudad sang Bacolod agud mahatagan sang fuel subsidy ang mga Jeepney drivers.

Dugang pa niya, may pagsulundan na ang DSWD kon sin-o ang posible nga maka-avail sang amo nga benepisyo apang ang proseso kag kun san-o ini mapatuman sa siudad ang wala pa mahibaluan.

Suno sa Department of Transportation, ginapaabot nga mapalambot sa mga rehiyon kag probinsya ang amo nga subsidy sa ika-aapat nga semana sini nga bulan.

“I-lobby gid na naton kag magarequest kita but as to the 100 percent nga assurance, si DSWD lang gid na makasabat”, suno kay Verdeprado-Mangga.*

[sibwp_form id=1]