Sa kada adlaw kun weekend, naga lab-ot sa diyes mil ka mga turista ang naga padulong sa Don Salvador Benedicto gani ang lokal nga panguluhan naga ayo sa mga negosyante nga mag himo man sang mga tikang para mapatuman sa gihapon ang minimum health protocols
Suno sa kay Mayor Marxlen Dela Cruz, ila ginkakibot ang hinali nga pagdamo sang turista sa Don Salvador Benedicto.
Sa bulubanta niya naga lab-ot sa diyes mil ang turista nga naga saka sa banwa ilabi na kun Dominggo nga adlaw.
Ang DSB ang popular ilabi na para sa mga motorcycle riders.
Gin ayo na ni Dela Cruz ang restaurant, cafe kag resort owners nga sila na mismo magpa siguro nga gina sunod ang magsuksuk sang facemask kag physical distancing.
Ginhingyo man sang LGU ang bulig sang Sangguniang Kabataang nga magpaha numdom ang pagsunod sa protocols ilabi na nga may multa nga ginapatuman ang lgu sa mga naga supak sini.
Paathag sang alkalde indi pwede ang physicial Christmas party sa mga empleyado sang gobyerno sa ila nga banwa.
Ginakabig naman ni Dela Cruz nga manageable ang COVID-19 cases sang banwa.
Sa kinse ka mga COVID-19 cases, tatlo na lang ang active.