Siudad magapatigayon sang dry run para sa ginaduso nga Pay Parking Ordinance sa sini nga semana.
Sa session sang konseho naaprobahan sa third kag final reading ang Pay Parking Ordinance nga nagatuyo tagaan sang kahigayunan ang mga car owners nga maka park sa kilid sang karsada nga igatalana designated areas.
May 176 tanan ka mga areas ang naduso nga magamit bilang pay parking areas sa siudad.
Gani sa sini nga semana, plano sang Bacolod Traffic Authority Office nga matigayon ang dry run para sa igapatuman nga ordinansa.
Ang Bacolod LGU ang maga-hire sang third party ukon private firm nga amo ang maga-administer kag magadumala sang pay parking areas.
Ang Pay Parking Ordinance ang ginalauman mangin solusyon sa reklamo sang mga motorista angut sa kakulang sang parking spaces sa pihak sang masupog nga citywide clamping kag towing operation.