Nabungguan sang modernized jeepney ang isa ka SUV matapos nga gintiro ang driver sini Sabado sang gab-i sang wala makilala nga persona sa may Palanca Road sa Reclamation Area sa Bacolod City.
Gilayon nga gindala ang driver nga ginkilala kay Noel Morales sa ospital.
Bangud may igo na sang bala sa guya nabunggo sa SUV ang modern jeep kag gilayon nga nagpangayo sang tabang ang konduktor.
Nakibot na lamang ang driver sang SUV sang nagrekta bunggo sa ila nga salakyan ang modern jeepney.
Padayon pa ang imbestigasyon sang PNP sa kun sin-o ang nagtiro sa driver pero nakabaton sila sang impormasyon nga may naga pamahog nga tricycle driver sa mga naga biyahe nga modernized jeepney sa amo nga rota antes natabo ang pagpaniro.