Nakuhaan sang CCTV footage ang pagkatumba sang Water Tanker Truck sa KM 41, Purok Talos sa Barangay Igmaya-an, banwa sang Don Salvador Benedicto, Domingo sang hapon.
Naghalin sa Barangay Bunga kag padulong Murcia ang water tanker truck nga ginapanag-iyahan sang Silver Dragon Construction.
Nagapadulhog kag kurbada ang porsyon sang dalan nga ginluntaran sang insidente.
Nag-gwa sa imbestigasyon sang kapulisan nga nadulaan sang preno kag wala makontrol sang driver ang manebela, rason nga natumba ang tanker truck.
Wala sang iban nga naulamid, magluwas sa 43-anyos nga driver nga naipit sa sulod sang truck.
Nag-gamit sang nagkalain-lain nga equipment ang mga katapo sang Bureau of Fire Protection agud nga makuha ang driver.
Naglawig sang duha ka oras ang rescue operation, antes tigayon nga nakuha ang naipit nga driver kag nadala sa ospital.
[sibwp_form id=1]