Dredging, declogging operation nga naapektuhan sang kakulang sang personnel ginapaabot magabalik sa normal operation sa Pebrero.
Isa lang ang sewer jet nga ginagamit sa DRRMO sa declogging operation amo nga wala anay nagdugang sang personnel ang siudad.
Suno kay Councilor Pao Sy, chairperson sang Committee on Fire, Social Defence and Natural Disasters, magapadayon ang declogging kag dredging operation sa mga identified flood prones areas bisan may kakulang sang personnel.
Sa Pebrero kumpyansa si Sy nga magabalik sa normal ang operation.
Suno sa konsehal, manugtapos na ang dredging operation sang DPWH, City Engineer’s office kag DRRM sa Barangay Mandalagan.
Plano sang siudad nga madason hawanan ang sapa sa Barangay 8 kag Barangay 2 agud mapahagan hagan ang pagbaha ilabi na sa downtown area.