Bacolod Emergency Operations Center ang nagapanugyan sa mga ginikanan nga likawan sa gihapon ang pagdala sang ila mga kabataan sa mga pampubliko nga lugar.
Ini matapos sang pahanugot sang National Inter Agency Task Force against COVID-19 nga pwde na makagwa sa balay ang mga naga edad dies tubtub katorse anyos sa mga lugar nga yara sa idalum sang Modified General Community Quarantine sumugod sa madason nga bulan.
Suno kay Dr. Chris Sorongon, Deputy for Medical sang Bacolod EOC, dako ang risgo nga malatnan sang virus ang mga kabataan bangud mabudlay para sa ila ang pagsunod sang minimum health protocols kasubong sang pagsuksuk sang face mask kag face shield.
Gani mas maayo nga sa sulod sang panimalay nalang gid anay ang mga kabataan samtang may yara pa sa gihapon sang mga kaso sang COVID-19 sa palibot kag wala pa sang bakuna.
Plano man karon sang Department of Health nga maghinyo sa National IATF sang postponement sa pagpanubo sang edad sang makagwa sa balay sa idalum sang MGCQ.
Ini matapos nga may pila ka mga menor de edad nga sa pungsod nga nakaangkon sang bag-o nga variant sang COVID-19 gikan sa United Kingdom.