Sa sabat nga ginpadala ni DPWH District Engineer Jaime Javellana sa katapo sang Sangguniang Panlungsod, iya ginpasalig ang hugot nga koordinasyon sa Bacolod Traffic Authority Office kag mismo sa konseho agud nga mapahagan hagan ang huol sa trapiko nga natuga sang apat ka mga major road and drainage project nga ginapatuman sa pila ka mga lugar sa Bacolod.
Nangayo sang pasaylo si Javellana sa kapaslawan nga mag-coordinate sa mga natungdan kabangdanan nga wala man gilayon makatalana sang traffic enforcers ang btao sa mga lugar nga may proyekto ang DPWH.
Ginpasalig niya man nga mapadasig sang mga kontraktor ang paghuman sang mga proyekto nga nagabalor sa masobra dos shientos milyones pesos.
Disyembre ginapaabot nga matapos sang mga contractors sang DPWH ang mga simultaneous road and drainage project.
Pero kun maayo ang panahon, ginalauman ni Javellana nga mas temprano pa mahuman ang mga proyekto.