Department of Tourism ang nag pa gwa sang advisory nga bilang kabahin sang precautionary measure mga tourism activities sa mga lugar nga apektado sang paglupok sang Bulkan Kanlaon ang gina suspend.
Suno sa DOT sa ila nabaton nga report mga lugar sa Negros Occidental nga nagalakip sang La Castellana, La Carlota City, Bago City kag Murcia kag sa Negros Oriental naman ang Canlaon City ang apektado.
Gani gina suspend ang mga activities diri kaangay sang trekking, swimming, farm site visits kag day tours.
Mga attraction ang temporarily closed sa mga lugar sakop sang Guintubdan Spring, Buenos Aires Resort, Mambukal Resort, Sugar Valley Coffee Farm, kag iban pa gid nga malapit ukon sakop sang 6-kilometer danger zone.
Ang Canlaon Inland Resort and Eco-Tourism, Padudusan Falls, Bao-bao Viewing Deck, kag Quipot Falls sa Canlaon City ang gin-close man man sang Local Government sa pag pasiguro sang public safety.
Suno sa DOT wala man sang gin report nga nagkalasamaran ukon fatalities ukon mga stranded nga tourist, ang mga travelers ang gina abisuhan nga likawan ang mga destination sakop sang 6-kilometer danger zone kasubong man ang mga lugar nga labing apektado sang ashfall.
Ang mga turista ang gina haylo nga mag mangin mabinantayon kag mag monitor sang mga advisory sang LGU kag disaster authorities.