Digicast Negros

DOH: Maghalong sa mga pagtililipon sini nga holiday season

Karon nga nagahilapit na ang holidays, Department of Health ang naga abiso sa publiko, nga dapat hibaluon ang tagsa nila ka gina atubang nga risgo sa tunga sang paghalog sang Covid protocols.

Indi malikawan ang dalagko nga mga pagtililipon sa tion sang holidays. Suno kay Dr Beverly Lorraine Ho sang Department of Health dapat nga mapat-od sang tagsa ang iya nga risgo nga gina atubang nga naga lakip sang iya personal nga kondisyon.

Ehemplo diri kun ang natungdan mismo ma co-morbidity, kun wala man, ayhan siya ang naga upod puyo sa may mga yara sang gina batyag.

Abiso niya dapat nga mag mangin maindamdamon, labi na karon nga voluntary na ang pag gamit sang face mask. Mas maayo nga ipasiguro nga ang lugar nga tipunan may maayo nga ventilation ukon open air.

Indi gid pagkalipatan ang hand washing sa tanan nga tion kag mas maayo pa gid kun naka bakuna kag naka pa booster shot.

Exit mobile version
Skip to toolbar