Sa walo ka mga generator sets nga nag abot sa probinsya sang Siquijor para temporaryo nga mauntat ang adlaw-adlaw nga brownouts sa probinsya, lima ang nagkalaguba.
Ini ang suno sa kay Energy Secretary Sharon Garin.
Suno sa tiglikom, sulit-sulit lang ang problema kag indi ini pwede magpadayon bisan sa diin pa nga isla sa Pilipinas.
Dugang pa niya indi pwede ang amo sini klase nga serbisyo sang generation company.
Ginmando na kuno ni President Ferdinand Marcos Jr. nga sa bulan sang Setyembre ang DOE ang magapasiguro nga mabalik na sa normal ang power supply sa Siquijor.
Sang nagligad nga semana nagpadala na sang sulat si Garin sa Energy Regulatory Commission ukon ERC nga i-withdraw ang ila endorsement para sa COC ukon Ceritificate of Compliance sang Siquijor Island Power Corporation ukon SIPCOR nga amo ang power generator sang Siquijor.
Adlaw-adlaw ang brownout sa Siquijor bangud kulang ang power supply gani nagpadala sang generator sets ang SIPCOR pero ang iban diri nagkalaguba na.