Anum ka mga indibidwal gikan sa tatlo ka mga pamilya ang nadulaan sang balay matapos ang nagluntad nga sunog sa Purok 5, Tahong sa Barangay Singcang-Airport, Bacolod City, mga pasado las 11:30 sang aga, Lunes, Hunyo 8.
Base sa imbestigasyon sang Bacolod City Fire Station, ang DIY ukon do-it-yourself nga solar power setup nga yara sa kwarto ang ginhalinan sang sunog.
Ang tag-iya sang balay nga ginsugodan sang sunog ang nag-gwa lang sang makadali, kag sa iya pagbalik, dako na ang kalayo.
Yara sa P12,000 ang kahalitan sang sunog.
Nagapanawagan karon ang utoridad sa publiko nga ipasiguro nga ang mga electrical kag solar installations ang insakto nga gin-disenyo kag gin-install sang qualified electricians ukon personnel agud malikawan ang kasubong nga insidente.*
[sibwp_form id=1]