Nag hatag na sang iya sabat ang Division Head sang Office of the Provincial Agriculturist nga isa sa lima nga gin papanaugan sang show cause order bangud sang gina alegar misuse sang government vehicle.
Suno kay Provincial Administrator Rayfrando Diaz, ang Division Head pa lamang ang nakasabat kag ginsiling sini nga isa ka insulto ang mag pamalibad sa hospitality nga ginpakita sa counterpart sang agriculturist sa Victorias City.
Hulyo 15 sang gindul-ong sa Victorias City Hall ang lima para sa isa ka pag sinapol paagi sa Capitol Cab Service. Ugaling nag las cinco na sang hapon kag wala pa maka balik sila sa nagahulat nga driver.
Natukiban sandig sa show cause order nga sila ang yara sa isa ka kalan-an mga las 8 sang gab-i kag naabtan nga naga inom-inom.
“(Ano hambal ya?) It is an insult to refuse the hospitality of the counterpart of an agriculturist sang Victorias”, suno kay Diaz.
Gina tugyan na nila ang pag pangusisa sa Provincial Legal Office.
“We’ll just wait for the answer of the four and we’ll have it referred to the legal for proper hearing and disposal”, suno kay Diaz.
Suno kay Diaz indi man sala nga mag “happy hour”. Pero wala ginatugutan ang pag gamit sang government property para diri.
Indi man ini nahauna nga tion suno kay Diaz nga may warning na nga na pa gwa ang kapitolyo probinsyal sa kasubong nga mga insidente.
“Subong te amo ni ang pinaka grabe kay te may ininom after. Naglab-ot gid ya 8:30 pm, pag biya sang driver medyo may ara pa insulto, pamuyayaw which really aggravates the situation”, suno kay Diaz.